fero

*fer/o

[KEMIO] Elemento, Fe, atomnumero 26, atommaso 55,85.

[KEMIO] Metalo grizblua, malmola, dratigebla, magnetigebla, kun tre multaj kombinaĵoj.

[KOMUNUZO] Tiu metalo, pli-malpli pura, tre uzata en la industrioj, prezentinta, ekde sia malkovro, novan epokon en la homhistorio: forĝebla, fandita fero; rusto manĝas la feron kaj zorgo la homon (Z); forĝu feron, dum ĝi estas varmega (Z); fero akriĝas per fero (X); mi faros vian ĉielon kiel fero (X); stango el fero.
kupro, bronzo.

Objekto el fero: la fero de la hakilo (Z); ili armis sin per fero (X) (glavo); fero kaj kupro estos viaj rigliloj (X); hufofero, rabotfero.

fera

( [KEMIO] Rilata al fero: fera kombinaĵo.

Konsistanta el fero aŭ enhavanta feron: feraj kradoj (Z); fera kaldrono (Z), bastono (Z), poto (Z), kateno (X), ŝlosilo (B); fera metalo.

(f) Tiel nefleksebla, kiel fero; severa, senindulga: fera volo, konstanteco; teni iun per fera mano (Z) (
butonumi); fera pacienco (Z); fera dormo (Z); (morto).
ŝtala.

feri (tr)
Garni per fero aŭ feraĵo: feri bastonon, lignoŝuon.

feraĵo

Uzaĵo, garnaĵo el fero.

Ferrubo: en la angulo kuŝis amaso da malnovaj feraĵoj (Z).

feraĵisto
Komercisto, kiu vendas feraĵojn.

ferato
[KEMIO] Salo de imaga ferata acido, H₂FeO₄.

ferika
[KEMIO] Rilata al kombinaĵo de FeIII: ferika oksido, Fe2O₃; ferika klorido, FeCl₃.

feroza
[KEMIO] Rilata al kombinaĵo de FeII: feroza oksido, FeO; feroza klorido, FeCl₂.

ferumi (tr)
Hufferi.

ferohava
Entenanta pli-malpli da fero: ferohava grundo, erco.

enferigi (Z)
Kateni.

nefera
Ne apartenanta al la organiza grupo de la feraj metaloj, t.e. mangano, nikelo, kobalto kaj kromo.

heksacianoferato
Salo de heksacianofer (III)ata acido H₃ [FE(CN)₆] aŭ de heksacianofer(II)ata acido H₄ [FE(CN)₆] : heksacianofer(III)ato, heksacianofer (II)ato.

angulfero = angulrelo.

gisfero = giso.

huffero
Hufumo.

hufferi (tr)
Alnajli hufumon al la hufo de besto.

krudfero
Tre rompebla, nepura metalo, ricevita el la unua fandado.

molfero
Speco de fero, taŭga por forĝado.

spegulfero
Fero, entenanta 20 % da mangano.

vaflofero
Vd vaflo.

fero

Esprimoj

Asekuro kontraŭ averioj de fervoje transportataj nutrovaroj.
Atingi sian celon per fero kaj sango ( per fajro kaj glavo).
Bariero de fervoja nivelpasejo.
forĝu feron dum ĝi estas varma.
havi feran sanon.
Li manĝus fernajlojn.

Kelkaj kunmetaĵoj

ferbakterioj,ferbetono,ferĉarpentaĵo,ferodinamika dinamometro,feroelektra,fero,fera,feri,feraĵo,feraĵisto,ferato,ferika,feroza,ferumi,ferohava,enferigi,nefera,heksacianoferato,angulfero,gisfero,huffero,hufferi,krudfero,molfero,spegulfero,vaflofero,fervojo,ferganto,ferkasko,ferkurteno,ferlado,ferligno,feromagneta,ferrubo,vaflofero,fervojo,fervoja,fervojisto

fero

*fer/o

fero

Esprimoj

Kelkaj kunmetaĵoj

Vortoj uzitaj en la sama ĉirkaŭkunteksto

Ankaŭ vidu:

Iel rilatitaj: