Plata aŭ globforma peceto el korno, korozo, metalo, plasto, okaze surtegita de ŝtofo, uzata por kunteni partojn de vesto, enigante ĝin en respondan fendon, aŭ iufoje nur por ornami: butonoj de jako, de sako, de ŝuo; garnituro el oraj butonoj por ceremonia ĉemizo; butonoj de manumoj.
Io simila al la formo de butono 1: butono de rapiro (la rondigita fino); butono de alumeto (la ekflamigebla parto); butono de tirkesto, de pordo (servanta por ilin ŝovi aŭ puŝi); butono de masto (ĉe la supro); butono de ŝaltilo ( regbutono).
[ MEDICINO] ĝenerala nomo de ĉiuj haŭtaj elstaraĵetoj (akno, blazo, papulo, pustulo kc): orienta butono (kontaĝa malsano, endemia en orientaj landoj k kaŭzata de iuj leiŝmanioj. ŝankro); Bahia butono (SIN. Brazila frambezio).
butoni (tr) Kunigi per butono, enigante ĝin en la tiucelan fendeton: butoni robon, pantalonfendon. [VIDU] zipi.
butonado Ago de iu, kiu butonas.
*butonumi Butoni: la malvasta kamizolo estis butonumita ĝis supre (Z); alte butonumitaj veŝtoj k surtutoj (Z); (f) butonumi iun malvaste (Z) (severe lin obeigi).
butontruo (Z) Fendeto, destinita ricevi butonon.
disbutoni, malbutoni Disigi la partojn de vesto, eligante la butono (j)n el la responda(j) fendeto(j).
baskulbutono, turnobutono, tuŝbutono Regbutono, kiu funkcias per baskuligo, turno, tuŝo.
prembutono
Risorta mekanismo, kies du partoj estas surkudritaj aŭ fiksitaj sur ĉiu el la du kunfiksotaj partoj de vesto, objekto k.a. , k kiu fermiĝas per simpla premo: prembutono sur klapo de paperujo.
Regbutono, kiu per premo funkciigas ŝaltilon, klikon ks: (f) prembutona milito (kiun oni povas estigi per elektrona sendado de raketoj).
regbutono Permane movebla peceto (butono 2), per kiu oni regas mekanikajn aŭ elektrajn sistemojn.
riglobutono [TERVETURILO] Butono ĉe la anso de aŭtomobila pordo, per kiu oni malfermas la ŝlosmekanismon.
sekurbutono
En faldebla tranĉilo, butono, kiu fortike fiksas la klingon en elstara pozicio.
En pafilo, butono, per kies ŝovo oni povas bloki aŭ malbloki la pafmekanismon.