stampi

Fari kavan aŭ reliefan markon sur io, frapante per gravurita matrico: stampi medalon, monerojn; (f) dornoj stampas per vundoj nian bruston (K).
cizeli, pregi.

Fari karakterizan, plejofte oficialan markon per grasa inko sur dokumento, akto ks, frapante per ligna aŭ kaŭĉuka stampilo: zorgu, ke oni stampu viajn rabatilojn ĉe la stacidomo; stampi sian adreson sur la koverto; stampita notaria paperfolio.

(f) Estigi en la psiko aŭ konduto de iu daŭran kutimiĝon: stampi ion en sia memoro.

(f) Karakterizi ion: ŝia delikateco kaj ŝia kostumo stampis ĝin per profunda disonanco kun la fono (B) (medio); ilia propagando estas stampita per bonega organizado kaj metodo.

stampo
Ago stampi kaj ties rezulto, t.e.:

Marko: nobeleco estas la ora monero, kiu portas sian valoron en sia stampo (Z); paketo kun la stampo de la dogano; se aperos ia verko kun la stampo de la Lingva Komitato (Z).

Karakterizaĵo: lia tuta politiko portas la stampon de perfido kaj mensogo; homo kun tiu stampo, kiun donas la longaj rilatoj kun la altaj klasoj de la societo (B).

stampado
Agado de iu, kiu stampas: stampado de la oficialaj dokumentoj, de arĝentaj tasoj.

stampilo
Ilo por stampi: stampilo por ledo, metalo, papero.
sigelo.

stampomaŝino
Maŝine, kontrolata de la poŝtoficistoj kaj ebliganta al granda firmo surpresi mem sur la kovertoj la koston de la afrankoj.

antaŭstampita
(pp poŝtmarko) Portanta nuligstampon antaŭ ol vendiĝi, por faciligi la traktadon de presaĵoj kaj similaj grandkvantaj sendaĵoj.

brulstampi
Stampi markon per arde ruĝa ferstampilo: brulstampi bovojn; iam oni brulstampis la punlaborulojn.

datstampilo
Speciala stampilo, kiu surpresas la daton.