privata
*privat/a
- Plenumanta nenian oficialan rolon: alveturis oficisto kun la ordono revizi la tutan gubernion [...] , kvankam li prezentas sin kiel privatan personon (Z); Sullo, rezigninte pri la diktatoreco, fariĝis privata homo; privata (ne ŝtata) oficisto, instruisto; privata sendito de la Usona Prezidanto; (analoge) privata kaso de suvereno; privataj lernejoj, institucioj; miaj Respondoj devas esti rigardataj kiel opinioj kaj konsiloj absolute privataj (Z).
- Rezervita al difinitaj personoj, ne publika: privata kunsido de la Akademio; privata enirejo; privata prezentado de filmo; tion mi eksciis per privata kanalo.
- Koncernanta nur unu personon kaj ne la aliajn: privata loĝejo (B); tiu kontrakto estas mia afero pure privata kaj privatpersona (Z); tia ĉi estas privata afero de la redaktejo (Z); vivon privatan kaŝu la muroj (Z).
private
En privata maniero: mia projekto prezentas ja ne ian private faritan decidon (Z); (sciigojn) mi donas al vi ne kiel publikigotan leteron, sed nur private (Z); mi neniam prezentos mian ideon (pri hilelismo) publike, antaŭ ol ĝi private estos tute mature elprovita (Z); private mi povas diri al vi, ke [...] (Z). privateco
Eco de io privata: malrespekti la privatecon de ies vivo. privatulo
Homo sen oficiala funkcio aŭ rolo.
Iel rilatitaj:
aferx
havx
loĝx
personx